تعليق نارى من أيمن يونس ضد لاعبى الزمالك
علق أيمن يونس لاعب الزمالك الاسبق على هزيمة الزمالك اليوم القاسيه من نادى غزل المحلة فى بطولة كأس الرابطة.
وعبر تصريحات تلفزيوينه له عبر قناة أون تايم سبورت قال أيمن يونس منتقداً الوضع قائلاً :
في لاعيبه مش عارفة قيمة تيشرت نادي الزمالك، مفيش امكانيات، أنا مستغرب جدا أزاي اللاعيبه دي مستمرة في نادي الزمالك كفاية مجاملات.
لاعيبه اليوم بدون روح تام، هل أنتم موظفين بتشتغلوا باليوم، وده عيب أن معظم العقود في مصر معمولة غلط في غلط، يعني أيه لاعب عنده 18 سنة ياخد ملايين.
نادي الزمالك استفاد جدا من بطولة كأس الرابطة، أنه عرف ان اللاعيبه دى لا تصلح لنادي الزمالك، مش معقول محمد عبد الشافي أكبر لاعب في السن وهو أكثر لاعب اتحرك واجتهد.. دي كارثة لما يكون محمد عواد نجم المباراة.
اللي بيرتدي تيشرت الزمالك مسئولية أنا مليش دعوة أنت بديل ولا أساسي أنت لاعب في نادي الزمالك تلعب أساسي بديل تنزل تكسب.
بقول لأمير مرتضى منصور المشرف على الكرة بنادي الزمالك، لازم تقعد مع كارتيرون وتشوفه هو في دماغة أية وبيفكر أزاي.
أنتم المسئولين مسئولية كاملة مع اللاعبين ، لازم يكون في موقف واضح، مش معقوله استفاده الزمالك أنه عرف أن في لاعيبه لا تصلح، دي أسوء استفاده.
أنا مش لاقي أي كلام إيجابي اقوله ولو قولت كلام غير ده هكون مش خايف على نادي الزمالك، وبقول لعبد الحميد بسيوني برافو عليك.
لاعبي غزل المحلة رجالة اليوم، ونازلين عارفين هيعملوا أية وهنستفيد أزاي وهنعمل اية في خطة معمولة.
