الزمالك
ميدو يفتح النار على الاعلام بسبب الزمالك : بقت “بجاحه” إعلاميه
انتقد الاعلامى أحمد حسام ميدو لاعب نادى الزمالك الاسبق، التناول الاعلامى للحالات التحكيميه التى تكون ضد الزمالك.
حيث أكد ان الامور تختلف عندما يكون طرف الحاله هو نادى الزمالك، ويكون الوضع الاعلامى مختلف مع الاندية المنافسه للزمالك.
وعبر برنامجه التلفزيونى قال ميدو : الاخطاء التحكيميه موجوده فى العالم كله، ونقد الحكام دا أمر طبيعى، لكن عندنا الامور بالكيف.
فجأه الدنيا اتقلبت علشان ركلة جزاء سموحه اللى لم يتم إحتسابها، وكلام كتير اتقال فى القصة دى من بعض الاشخاص.
لما راجعت حالات مشابهه للنادى المنافس لاقيتهم عملوا نفسهم مش واخدين بالهم، والموضوع مبقاش قصة تناول إعلامى دا بقى بجاحه اعلاميه.
مباراة انبى وفيوتشر، إنبى مثلاً كان له ضربة جزاء واضحه، محدش فكر يتكلم عنها، ودا علشان إنبى ملوش ظهير اعلامى وجماهيرى، مفيش محلل فى مصر ادى نفسه دقيقه يحلل ركلة الجزاء دى.
