الزمالك
مرتضى منصور يعلن انتهاء أزمة القيد ويعلن موعد استلام كارنيهات اللاعبين
أعلن مرتضى منصور رئيس النادى عن إنتهاء ازمة القيد الخاصة بصفقات الفريق الجديد والذى لم يتم قيدها بسبب تعنت اتحاد الكرة المصرى.
منصور وعبر قناته على يوتيوب قال : الحمد لله الازمة انتهت، وتم سداد جزء من المديونيات وزى ما قولت انتصر صوت الحق والعقل.
احنا كنا صح وتم قيد اللاعبين فى الموعد السليم، وكنا عارفين أنه هيقول دا شان داخلى، وانا بلتمس العذر لاتحاد الكرة لان النادى المنافس هيقوله ازاى تقيد لاعبين بعد انتهاء القيد، الفيفا قال أن القيد سليم.
والمفروض بدل ما كانوا يتكلموا عن لاعيبتنا كانوا يشوفوا الولد الهارب اللى بيلعب عندهم اللى اسمه كهربا.
النادى الاهلى له كل الاحترام والتقدير، وكدا كدا مشكلتى مع الخطيب هتنتهى، وهيفضل كل الاحترام للنادى الاهلى، وانا عرف قيمة الاهلى كويس زى ما عارف قيمة الزمالك.
واكد انه سيتم استلام كارنيهات اللاعبين يوم الاحد، وسنقوم بعمل تسوية للمديونيه الموجوده علينا لاتحاد الكره.
