هاجم الإعلامي مدحت شلبي، إداري الفريق الأول لكرة القدم بنادي الزمالك، بسبب إخفائهم للكرات في الدقائق الأخيرة من مباراة الأهلي، في بطولة الدوري الممتاز.

كان الأهلي تعرض للخسارة أمام الزمالك، بهدفين مقابل هدف، في المباراة التي أقيمت بينهما مساء الإثنين، على استاد القاهرة، ضمن مؤجلات الجولة العاشرة من بطولة الدوري الممتاز.

وقال مدحت شلبي، في تصريحات تلفزيونية: «أبارك لنادي الزمالك لفوزه الكبير على الأهلي، ونتمنى إن فرسي الرهان دائمًا يبقوا على المستوى المطلوب».

وأضاف: «حزين جدًا للي عمله إداريي نادي الزمالك إنهم يخفوا الكرات، دي حاجة وحشة أوي، رجعونا الستينيات والسبعينيات، إن الكرات تطلع في آخر الدنيا عند الجمهور اللي ورا الجون يروحوا يجيبوا لأن مفيش 14 كورة تانيين موجودين! عيب».

وأتم: «اللي حصل عيب وميصحش، ماتش زي ده بيتنقل في الوطن العربي كله، احنا كبار أوي وهذه أفعال الصغار، عيب».

كما طالب الإعلامي أحمد شوبير، بمعاقبة نادي الزمالك، بسبب إخفاء إداريي الفريق الأول لكرة الزمالك الكرات في الدقائق الأخيرة من مباراة الفريق الأبيض أمام الأهلي في بطولة الدوري.

وقال أحمد شوبير، في تصريحات تلفزيونية: «في نقطة أتمنى أن يكون فيها حساب وعقاب لأن في النهاية إحنا بنلعب كرة قدم وفي النهاية عايزين نستمع، اللي بيفوز بنقوله مبروك واللي بيخسر بنقوله هارد لك».

وأضاف: «مباريات كرة القدم بتتلعب ب 10 كرات عشان محدش يضيع الوقت زي زمان، النهاردة لعيبة الأهلي كانت بتدور على الكورة هي الكورة فين».

وتابع: «الكرة كانت في أخر الدنيا ورا ومش عارفين نحبها، ولا كأننا نلعب في سنة 30، مدرب أحمال النادي الأهلي هو اللي رايح يجيب الكورة من ورا الجون هل ده مقبول نشوفه في مصر ؟! ده غير مقبول على الإطلاق».

وأكمل: «إداريي الزمالك مع أحد الأطفال كانوا يقومون بلم الكور في الشنطة، وهنا ألوم على الحكم الرايع، لأن ده دوره، كان يجب عليه أن يستدعي إبراهيم نور الدين، حكم المباراة في تلك الواقعة».

وأتم: «اللي حصل مش مقبول، في النهاية إحنا بنلعب ماتش كورة وفي حاجة اسمها فير بلاي وفي حاجة اسمها احترام، ما تلعب ما الزمالك كان ممكن يجيب جون تالت وجون رابع ولكن بالشكل وده والطريقة دي غير مقبول، وفي الأخر تقولي غرامة 10 آلاف جنيه و20 ألف جنيه، أنا ميهمنيش الغرامة أنا يهمني إني أعلم النشء السلوك الصحيح»