«إنتوا عايزين إيه».. نجم الأهلي ينفجر غضبًا بسبب حسام حسن

فتح شريف حازم، نجم الأهلي السابق، النار على منتقدي حسام حسن، المدير الفني للمنتخب الوطني الأول لكرة القدم.

وقال شريف حازم، في تصريحات تلفزيونية: «في غل وفي ناس مش عاوزه حسام حسن ينجح، أنا من يوم ما وعيت على الكرة وحسام حسن بالنسبالي رمز وأسطورة».

وأضاف: «في مصر الأساطير الحقيقية محمود الخطيب. حسام حسن، محمد صلاح وحسن شحاتة، دي الأساطير الحقيقية في مصر».

وتابع: «اللي بيحصل مع الكابتن حسام حسن، من الناس اللي لعبت معاه وناس من الجيل بتاعه، الموضوع بالنسبالي غريب، إنت بتصدر للناس الغلابة إن المنتخب كبير على الكابتن حسام حسن! حسام حسن لوحده تاريخه بتاريخ ال30 لاعبا في منتخب مصر».

وواصل: «أنا بحب حسام حسن، جدًا ومتضايق من إللي بيحصل معاه ولو مش بتحبوه استنوا شوية، الناس بتهاجم حسام وإبراهيم بطريقة بلدي شوية، إنت مش معاهم اصبر لما يوقعوا، الناس ماشية كويس»

وأردف:«منتخب مصر ليس ضمن أفضل منتخبات في أفريقيا ولكن منتخب مصر يقدم أداء جيدا مع حسام حسن».

وواصل: «حسام حسن، لو كان مسك الأهلي كان زمانه كل سنة خد دوري أبطال أفريقيا، حسام حسن لو بمران الأهلي أو الزمالك كل سنة كان خد، بطولة كبيرة جدًا».

وأتم: «انتوا عايزين إيه يعني عايزين تمشوا؟ الموضة دلوقتي عاوز تبقى محلل انتقد حسام حسن».