عاجل.. الزمالك في ورطة قوية بسبب الفيفا ..تعرف على التفاصيل

كشف عمرو أدهم، عضو مجلس إدارة الزمالك، عن مفاجأة صادمة بشأن المديونيات الخاصة بالنادي، بسبب القضايا والأحكام لدى الاتحاد الدولي لكرة القدم «فيفا».

وقال عمرو أدهم: «وصل 16 حكم على نادي الزمالك موجودين وفي نفس الوقت 16 حكم دول لسة في قضيتين، قضية تخص باتشيكو و قضية تخص فرجاني ساسي».

وأضاف: «لو حصل وتم تأكيد الأحكام لباتشيكو وساسي، هيبقى نادي الزمالك هيكون دفع حوالي 320 مليون جنيه غرامات. سددنا لوقتنا هذا 3 مليون و710 ألف دولار، علينا لسة مبالغ نسددها حوالي مليون و750 ألف دولار».

وأكمل: «لو أحكام ساسي وباتشيكو قبلت، هندفع كمان مليون و250 ألف دولار، هيبقى إجمالي الغرامات 6 مليون و700 ألف دولار».

وتابع: «مع ملاحظة باتشيكو المبلغ المطالبة اللي اتحكم بيه على الزمالك هو 451 ألف دولار، في حين إن باتشيكو يطالب بمليون و700 ألف دولار باقي عقده».

وزاد: «فلو افترضنا أن باتشيكو مش هيتحاكم له بالمبلغ الكبير وهيتحكم ليه بالمبلغ 450 ألف، يبقى الزمالك هيكون تكلف 322 مليون جنيه».

كما أضاف: «ده الوضع اللي لقى مجلس الإدارة النادي فيه. مفيش نادي في مصر يتحمل يجمد من موارده 322 مليون جنيه».