بالتفاصيل..«لن أخرج للإعارة».. نجم الأهلي يطلب الرحيل نهائيًا
طلب عمار حمدي لاعب خط وسط المقاولون العرب، و المعار من النادي الأهلي، من مسئولو القلعة الحمراء الرحيل عن صفوف الفريق الأحمر نهاية الموسم الحالي عن طريق البيع النهائي.
وأكد مصدر من داخل الأهلي «عمار حمدي أبلغ مسئولي الأهلي أنه يرفض الانتقال على سبيل الإعارة مرة آخرى، خاصة أنه يمر بتجربة صعبة حاليًا في نادي المقاولون العرب».
وقال المصدر، «عمار حمدي طلب من الأهلي في حالة عدم استمراره مع الفريق في الموسم المقبل، فإنه يرغب في فسخ العقد والرحيل النهائي وليس على سبيل إعارة».
وكان عمار حمدي، قد وجه رسائل نارية عبر صفحته على موقع التواصل الاجتماعي «انستجرام»: «أصعب حاجة، لما الدنيا تفرض عليك حاجة وانت مش حاببها، والأصعب لما تكون وسط ناس يحاولوا يكسروا طموحك وإنت بتعافر عشان تنجح وتحقق إللي إنت عايزه».
وأضاف: «إحساس صعب جدًا لما تحس بالظلم والقهر من ناس، إنت سبت ناس أحسن منهم وعائد مادي أكبر بكتير عشان تروحلهم وفي الأخر ميقدروش ده».
وتابع: «كمان عايزين يقعدوك ويكسروا طموحك وهما عارفين قيمتك كويس اوي بس مفيش فى ايدك حاجة تعملها».
وأتم: «الحمدالله اللي بيريح الواحد إن ربنا شايف كل ده واللي بتعمله النهاردة هيتردلك بكرة. شكوتي لربنا سبحانه وتعالى مش لحد من البشر وماليش كلمة غير حسبي الله ونعم الوكيل».
