عاجل.. نجم الزمالك مهاجمًا الإدارة: “ماتضحكوش علينا”
وجه طارق يحيى نجم نادي الزمالك، ومنتخب مصر السابق، رسالة نارية لـ مجلس إدارة نادي الزمالك بشأن تأخر إبرام الأبيض في التعاقد مع صفقات سوبر، مطالبًا ببيع أحمد سيد زيزو نجم الفريق.
وقال طارق يحيى، في تصريحات تليفزيونية: «موقع صعب أنك تبيع لاعب بحجم زيزو، ولكن الزمالك فيه مشاكل مادية كبيرة أبرزها أن نادي الزمالك عليه 80 مليون مستحقات متأخرة للاعبين، وكمان لازم أفك القيد».
وأضاف: «لأن بدون صفقات محترمة على مستوى عالي يليق باسم نادي الزمالك مش هنعمل حاجة السنة الجاية، اللي باقي 30 ألف دولار، أنا لازم أعمل على فك القيد، لأنه لن يستطيع بالمجموعة الموجودة أنه ينافس على بطولات العام المقبل».
وأردف نجم الزمالك السابق: «الزمالك مشى موتيابا وياسر حمد ومحمود علاء وزياد كمال، يا جماعة لازم نحس بجمهور الأبيض، والله انهارده مكالمة ساعة الا ربع راجل زملكاوي بيعيط في التليفون على حال الزمالك».
وأتم: «لاعبى الزمالك اللي موجودة ممكن اقسط مستحقاتهم مش المبلغ كامل، أنت بتتكلم على أن السوبر الإفريقي الشهر الجاي، يعني مش هتجيب لاعبى تلاعب النادي الأهلي، مش هنضحك على بعض اللعيبة دي مش هيسدوا قصاد الأهلي، وأنا موافق على بيع زيزو وبقول للإدارة متضحكوش علينا بصفقات فرز ثالث».
