«هيجيلي تخلف».. نجم الزمالك يوجه رسائل نارية لـ حسين لبيب

وجه أسامة حسن، نجم نادي الزمالك السابق، رسائل نارية إلى حسين لبيب، رئيس نادي الزمالك، بسبب عدم حسم ملف تجديد عقد أحمد مصطفى «زيزو»، جناح الفريق الأول لكرة القدم بالقلعة البيضاء.

وقال أسامة حسن، في تصريحات تلفزيونية: «رسالتي لحسين لبيب، بيع زيزو مرفوض تمامًا وهذا موثق بكلامك في بداية برنامجك الانتخابي قولت (أول ما انجح اعتبروا القيد اتفك وكل الأزمات انتهت ومعايا رجال أعمال ومش هيبقى في أزمات تاني)، هذا لم يحدث».

وأضاف: «حسين لبيب، قال (مش هبيع زيزو، لأنه من أصول النادي)، لحد دلوقتي انت مش عارف تجدد لزيزو، ولا عارف تقولنا إيه اللي بيحصل مع زيزو».

وأكمل: «سلملنا زيزو، وقول (عرضت عليه 100 مليون ورفض وهو مش شاري النادي) مع أن زيزو، تنازل عن عروض خيالية عشان خاطر جماهير الزمالك، العسل كله عندك».

وأتم: «أخر حاجة واللي هتخليني يجلي تخلف، هو إنت عاجبك الجهاز الفني، الزمالك يتغلب 9 مباريات!».