عاجل..الزمالك يفاوض حارس القلعة الحمراء ..اللاعب يرد
كشف أحمد عادل عبد المنعم حارس مرمى النادي الإسماعيلي والأهلي الأسبق عن كواليس جلسته مع مسئولي أحد مسئولي الزمالك للانضمام للأبيض بعد رحيله عن النادي الأهلي.
قال أحمد عادل عبدالمنعم: «مارتن يول لو كان كمل في الأهلي كنت بقيت في حتة تانية، لعبت معاه ماتشات كتير وكنت ماشي معاه كويس لحد ماتش الزمالك في نهائي الكأس اللي اتهزمنا فيه، وبعدها اقترب من الرحيل».
وتابع: «لعبت 8 مباريات قمة وأحلى ماتش ممتع كان ماتش القمة بتاع 3-3 عشان كان ماتش رايح جاي، والجماهير فرقت معايا كتير في حياتي».
وشدد عبد المنعم: «جالي عرض من الزمالك وقعدت مع أحمد مرتضى منصور بس بعد ما رحلت عن الأهلي لما كنت في مصر المقاصة، لكن لم اشعر بالراحة وتراجعت بعدها في الخطوة دي بسبب تعلقي بالأهلي ومينفعش أخون المكان اللي اتربيت فيه».
وأكمل: «أحمد ناجي صاحب فضل عليا عشان هو اللي صعدني فريق أول وطارق سليمان وعلاء ميهوب وحسام البدري وجوزيه اللي اداني القصة كاملة».
وزاد: «أيامي مع حسام البدري كانت صعبة بسبب انه كان عنده قناعة أن مفيش احمد عادل عبد المنعم، بس كان بيعاملني كويس جدًا وانا احترمت قراره».
